குடி மகன் மனைவி 
               
                நீர் அடித்து, நீர் விலகாது ,

                ஆனாலும் ,

                நீர் அடித்து ,

                நீர் அடித்தால் ,

                நான் விலகுவேன் .

 





கள்ளன் போலீஸ்

சைவ மீன்

                கட்டுப்பாடு  

உன் கல்லூரி பேருந்தில்,

வேகக் கட்டுப்பாடு  கருவி

பொருத்தி  உள்ளார்களாம். 

மோகக்  கட்டுப்பாடு கருவி

அல்லவா  பொருத்த வேண்டும். 

                 


                   காலம்
                    
          எங்கள் சங்கத்தின்

          நிரந்தர தலைவர்,

          இன்று,

          இறந்தோர் சங்கத்தின்

          நிரந்தர உறுப்பினர்

         ஆனார்.

                   

காரணம்

தற்கொலைக்கு முயன்ற ,

என்னைக் காரணம் கேட்டபோது ,

பதில் , தெளிவாய்ச் சொல்லிவிட்டேன்

ஒரு வேளை, என்னிடம்

வாழ்வதற்கான காரணம்

கேட்டு இருந்தால் ,

நான் வசமாய் மாட்டி இருப்பேன் !

அறிவுள்ள சோம்பேறி

பாபு வீட்டைவிட்டுக் கிளம்ப செருப்பைக் காலில் அணிந்த நேரத்தில் இருந்தே வீட்டை மறந்து விடுவான் . எந்தக் காரியத்திற்காகச் செல்கிறானோ அந்த விஷயம் மட்டுமே அவன் மனதை முழுதுமாக ஆக்கிரமித்து இருக்கும் . அதே சிந்தனையில் அவன் பேருந்து நிறுத்தத்தைச் சென்று அடைந்தான் .அந்த காலை நேரத்தில்தான் எவ்வளவு பரபரப்பாக மக்கள் ஓடுகிறார்கள் . எல்லோரும் ஏதோ பதைபதைப்புடனும் , எதையோ விட்டு விடக் கூடாது என்றும், தனக்கு பின் பக்கம் வேகமாக வரும் "ஆம்புலன்ஸ்'க்குக் கூட வழி விடத் தோன்றாமல் செல்லும் , மனிதநேயம் முற்றிலும் மறந்த இவர்கள் வாழ்வில் பிறருக்கு என்னதான் உதவி செய்வார்களோ ? என்று பாபுவின் சிந்தனை ஓட ஆரம்பித்தபோது அதைத் தடை செய்வது போல அவன் மிக அருகில் ஒரு பிட்சைக்காரன் "தர்மம்" கேட்டு நின்றான். அவன் குளித்து மாதங்கள் ஆகி இருக்கும் . பாபு அருவருப்புடன் , சற்று நகர்ந்தான் . பாபுவின் மிக அருகில் ஒரு டிப் -டாப் ஆசாமி ஒருவன் , சார் , பிச்சைக்காரர்கள் தொல்லை பெருந்தொல்லையாகப் போச்சு சார் , ஒரு ஆளிடம் ஒரு ரூபாய் வாங்கினாலும் எப்படியும் இவன் ஒரு நாளைக்கு நூறு ரூபாய் சம்பாதித்து விடுவான் சார் . இவன் மாதிரி ஆட்களை நாம் என்கரேஜ் செய்யக் கூடாது சார் . நம்ம நாட்டின் இமேஜ் இந்த மாதிரி பிட்சைக்கார பயகலால்தான் வீணாகப் போகுது சார் ,என்று ஒரு குட்டி பிரசங்கம் செய்து விட்டார் . அமைதியாக , அவரை முறைத்த பிட்சைக்காரன் , பாபுவிடம் , சார் நான் கேட்க்கிறேன் , நீங்கள் முடிந்தாக் கொடுங்க , இல்லைனா விடுங்க சார். இதனால் உங்களுக்கு ஒன்றும் பாதிப்பு இல்லை. ஆனா , இந்த ஆளு டிப்-டாப் ஆக உடை அணிந்து இருந்தாலும் , இவர் வாயில் வைத்து சிகரட்டை ஊதிக்கொண்டே உங்களுக்கு மிக அருகில் நின்று , உங்களுக்கும் , பக்கத்தில் உள்ள எல்லோருக்கும் புகை மூலம் நோயைப் பரப்புகிறார் என்று கூறி , பாபுவை ஆச்சரியத்தில் ஆழ்த்தினான் .பணம் படைத்த முட்டாள்கள் உள்ள உலகில் , அறிவுள்ள பிட்சைக்காரன் இருப்பதும் சரிதான் என்றும் , ஒரு வேளை இந்த பிட்சைக்காரன் அறிவுள்ள சோம்பேறியாக இருப்பான் என்று தன்னைச் சமாதானம் செய்துகொண்டு , அந்த டிப்-டாப் ஆசாமி பக்கம் பாபு திரும்பினான் . அங்கே அவன் விட்டுச் சென்ற அணைக்காத சிகரட்டு மட்டும் புகைந்து கொண்டு இருந்தது,

சுயநலம்

மழையே ,
நன்றாகப்பெய்,
என்னிடம் ,
குடை இருக்கிறது.

உண்மைச் செய்தி

மலச்சிக்கல் வந்த

எவனும் சொல்வான்

முக்கிய செய்தி!

நிலைமை

அலுவலகப் பலகையின்

தூசி தட்டிப் பார்த்த பின்தான்

தெரிந்தது , அது ,

மாசுக் கட்டுப்பாட்டு வாரியம் என்று !

வால் ஆட்டினாலும் ........

நான் படித்தது என்னவோ பாரதியார் பாடம் சொல்லிக்கொடுத்தப் பள்ளிக்கூடத்தில்தான் , ஆனால் என்ன அவர் பாடம் சொல்லிக்கொடுத்தக் காலத்தில் நான் பிறக்கவே இல்லை . பாரதியாரின் மார்பளவு சிலை எங்கள் பள்ளி நுழைவு வாசலில் உண்டு . அந்த ஊரை விட்டு வந்து வருடம் பல ஆனாலும் , டவுன் பஸ்சில் பள்ளிக்கூடத்தை நான் எப்போது கடந்து சென்றாலும் ,அப்போது பாரதியாரின் சிலையை எட்டிப்பார்க்கத் தவறுவதே இல்லை . அப்போது என்னில் சில நினைவுகளும் எட்டிப்பார்க்கும் .

அப்போது எல்லாம், தமிழ் வாத்தியார் வேட்டி தான் கட்டி இருப்பார் . ஆங்கிலம் சொல்லித்தரும் வாத்தியார் பெரும்பாலும் இன் செய்து பேன்ட் அணிந்து இருப்பார் .

அன்று ஆங்கில வகுப்பில் ஆசிரியர் பாடம் நடத்திக்கொண்டு இருந்த போது , ஒரு சக மாணவன் பாடத்தைக் கண்டு கொள்ளாமல் தனது கால்களை ஆட்டிக்கொண்டு இருந்தான். அதைப்பார்த்த ஆசிரியர் பாடத்தை நிறுத்திவிட்டு அவனை எழுந்து நிற்கும்படி சொன்னார்.

பின்பு , எவன் ஒருவன் கால்களை ஆட்டுகிறானோ , அவன் கீழ் தரமான எண்ணங்கள் மிகுந்த ஒருவனாக இருப்பான் என்றும் , பெண் ஆசை மிகுந்த ஒருவனாக இருப்பான் என்றும் , அவன் வாழ்கையில் முன்னுக்கு வர இயலாது என்றும் , அவன் மீது பெரியவர்களுக்கு நல்ல எண்ணம் வரும் வாய்ப்பு இல்லை என்றும் , தன்னுடையக் கருத்தை ஆணித்தரமாய் வகுப்பில் சொல்லிக்கொண்டு இருந்தபோதே அந்த வகுப்பு முடிந்த அடையாளமாய் மணி
ஒலித்தது .

அடுத்து , உள்ளே வந்த தமிழ் வாத்தியார் இருக்கையில் அமர்ந்தவாறு ,

ஆடிக் குடத்தடையும் ஆடும் போதே இரையும் ....என்ற பாடலைச் சொல்லிக் கொடுக்க ஆரம்பித்தார் , தனது கால்களை வேகமாக

ஆட்டிக்கொண்டே .............?

புயல் வந்தவுடன் ,
வெள்ளம் வந்தவுடன் ,
சுனாமி வந்தவுடன் ,
புறப்படத் தயாராய் வைத்திருந்தப்
பெட்டியுடன்,
புறப்பட்டேன் ,
வீட்டை விட்டு,
எனக்குக் கோபம் வந்தவுடன் !

பூட்டிய கதவில்
எழுதி இருந்த வாசகம் ,
"இருபத்தி நாலு"
மணி நேர சேவை!

மிருகாபிமானம்

பலிகொடுக்க
ஆட்டுடன்,பேருந்தில் அவன் ,
விபத்து,
அவன் பலியானான் ,
ஆடு அழுதது !

பேருந்தில்,
எல்லோரும் 
சன்னல் ஓரச் சீட்டை
எனக்குத் தருகின்றனர் .
ஆம்!
மழை பெய்கின்றது !

வீடுகட்டி
வாடகைக்கு விட்டவன்
தினம் அலைந்தான்
கோர்ட்டுக்கு ,
கோவில் கட்டி உண்டியல் வைத்தவன் ,
தினம் ,
சில்லரை தந்தான்
முழு நோட்டுக்கு .

புல்லாங்குழலில்
கவர்ச்சித்
துளைகள்,
ஓடும் படகில்
ஆபாசஓட்டைகள்.

              
தொடர்ந்து பார்க்கும்
தொலைக்காட்சித்
தொடர்களின்
முடிவு தெரியாமல்,
திடீர் என்று
இறந்து போனதால்,
என் அத்தையின்
ஆத்மா
சாந்தி அடையவில்லை!